Nga foltorja e Kuvendit të Shqipërisë, deputeti i Partisë Socialiste, Gramoz Ruçi, i bëri presion drejtpërsëdrejti Lëvizjes Socialiste për Integrim me në krye Ilir Metën që të bashkëpunojnë, duke shmangur mundësinë që PS ta zgjedhë vetë presidentin.
Sipas Ruçit, Partia Socialiste i ka 71 vota për ta zgjedhur Presidentin e Republikës së Shqipërisë, ndaj i kërkoi LSI-së të mos ndikojë duke marrë këtë vendim.
Duke i kërkuar kreut të Kuvendit që të reflektojë, Gramoz Ruçi e akuzoi atë se gjatë drejtimit të Kuvendit, ka anuar nga pala tjetër, duke i thënë konkretisht se ka lejuar Berishën të flasë 3 herë më shumë se Rama dhe opozitën 2 herë më shumë se mazhoranca.
“Ju i keni vënë në dispozicion Salit të flasë 3 herë më shumë se kryeministri, opozita 2 herë më shumë se grupi i mazhorancës. Një milionë njerëz që na kanë votuar neve bashkërisht për ta qeverisur këtë vend, po vazhdojnë të na shikojnë se si na merr peng një cadër. Përgjigja ime për pyetjen është vetëm një, dialogu ka mbaruar. Ne duhet të kryejmë funksionet kushtetuese të zgjedhim presidentin
Ne i kemi 71 vota edhe pa LSI-në, mos na detyroni ta zgjedhim presidentin vetëm. Unë shpresoj të mos na detyroni dhe as e marrim përsipër të shkelim këtë forcë poltike.
Prandaj z.kryetar ju takon juve si forcë politike, që jeni vendosur si negociator dhe keni kaq kohë, pse mos ta them troç që keni anuar nga ana tjetër. Prandaj ju kërkoj edhe juve të reflektoni, të mos e mbyllni këtë parlament vetëm për ata të çadrës. DO ju kërkoja të mblidhnit Konferencën e Kryetarëve, ose të zgjedhim presidentin bashkë ose të shkojmë në zgjedhje brenda 45 ditësh.”, u shpreh ndër të tjera Ruçi.
(XH.A/SHUPLAKA)
Discussion about this post