Kryeministri Rama ka folur sot nga Kavaja për pjesëmarrjen e mësuesve në parafushatën e Partisë Socialiste duke u nisur edhe nga rasti i fundit i mësueses po nga Kavaja.
“Ka ikur koha që Saliu mbyllte shkollat dhe i çonte nxënësit të duartrokisnion për të. E pastaj u kërkonte votën dhe u thoshte nxënësve shkoni në shtëpi dhe thuaji prindërve se Rama do ju marrë në qafë.
Ne as kemi mbyllur as do mbyllim asnjë shkollë për të marrë mësuesit në mitingje, mësuesit sot janë më të sigurtë pasi i mban në punë aftësia.
I lutemi mësuesve, të vijnë të flasin për Shqipërinë që duan, por jo në shkollë, jo në oborr, jo në klasë, sepse shkolla është e shtetit dhe shteti është i të gjithve, i votuesve të parë që janë me PS-në, askush s’ka të drejtë që nga pragu i shkollës tu tregojë se kë duhet të votojnë.
Keni parë edhe foto edhe video që mësues dhe studentë të shkojnë te çadra, jo vtm që nuk i kemi publikuar por nuk u ka hyrë gjëmb në këmbë”,- tha Rama duke iu referuar edhe rastit të mësueses nga Kavaja që u pushua nga puna sot pasi u bëri thirrje nxënësve që të shkonin në takimin me Ramën. (M.D/ Shuplaka)
