Kryetari i Lëvizjes Socialiste për Integrim Ilir Meta mësohet se ka siguruar firmat e nevojshme të deputetëve për të qenë nesër kandidat për postin e Presidentit të Pepublikës së Shqipërisë, raporton Ora News.
Sapo ka përfunduar mbledhja e grupit parlamentar të LSI dhe raportohet se nga ana e tyre janë mbledhur 18 firma për Metën president nesër në Kuvend.
Nesër në orën 17:00, Kuvendi ka thirrur seancë parlamentare për të votuar në raundin e 4-t Presidentin e ri të vendit, pas dështimit të 3 raundeve të para pa asnjë kandidat të propozuar.
Mazhoranca në Kuvend i kalon 88 votat çka e bën Metën nëse nesër votohet një President të zgjedhur me shumicë të cilësuar edhe pse pa votat e PD që ka braktisur jetën parlamentare.
Procedurat për mbledhjen e firmave mësohet se janë drejt përfundimit dhe se nesër Ilir Meta merr detyrën e Presidentit, që konsiderohet si figurë konsensuale.
Më në fund ka ka një emër i cili prej 3 raundesh po mungonte si kandidat për president. Kujtojmë se i pyetur nëse Meta synonte Presidencën, ai e kishte mohuar më herët. (M.D/ Shuplaka)
Discussion about this post