Balla pas Kryesisë: U njohëm me dy kandidatura për president nga LSI, mbështesim Metën

Deputeti i Partisë Socialiste Taulant Balla ka folur pas mbledhjes së Kryesisë së Partisë Socialiste. Ai u shpreh se ishin njohur me dy propozime nga LSI për president.

“Janë  zhvilluar disa negociata dhe një përfaqësi e PS u takuan me aleatët tanë që u njohëm me dy propozime shumë të mira. Me propozimin e LSI, për Zotin Petrit Vasili dhe Ilir Meta.  Kryesia e Partisë Socialiste  pasi u njoh me kandidaturat vendosi të mbështetase kandidaturën e  zotit Ilir Meta”,-u shpreh Balla.

Nesër pritet të mbahet raundi i katërt për zgjedhjen e presidentit por kreu i grupit parlamentar të PS-së Gramoz Ruci u shpreh më herët se nesër duhet të ezaurohen të dy raundet.  

Deputetët e LSI-së, krahas kreut të Kuvendit, Ilir Meta kishin propozuar edhe një emër tjetër si kandidat për President, Petrit Vasilin,  ministrin aktual të Drejtësisë. 

Në seancën e nesërme që mbahet në orën 17:00 është edhe raundi i katërt i zgjedhjes së Presidentit.

Meta u njoftua më herët se është kandidati i parë nga ana e LSI për president.

Tre raundet e para për zgjedhjen e presidentit janë mbyllur pa rezultat teksa mungonin kandidaturat nga të gjithë faktorët politikë. 

(M.D/ Shuplaka)