Kush janë dy deputetët që votuan kundër Metës për President

Ilir Meta u zgjodh sot me 87 vota pro për të qenë kreu i shtetit. Në seancë morën pjesë 89 deputetë, ku vetëm dy prej tyre votuan kundër.  Partia Socialiste e ka votuar unanimisht Ilir Metën si Presidentin e ardhshëm të vendit.

Dy deputetët që votuan kundër mësohet të jenë dy deputetët e LIBRA-s, Ben Blushi dhe Mimoza Hafizi.

Ben Blushi deklaroi më herët se nuk do ta votonte Metën për President.

“Ilir Meta u bë President nga frika dhe jo nga shpresa. Ilir Meta është Presidenti i Rilindjes dhe jo i Popullit. Është Presidenti i të shkuarës jo i të ardhmes. E si mund ta votoj? LIBRA voton vetëm të ardhmen”, – ishte shprehur  Blushi para votimit.

Ky ishte raundi i katërt për zgjedhjen e presidentit ku tre të parët dështuan pasi nuk kishte kandidatura.

Meta zëvendëson Nishanin me një mandat 5-vjeçar deri në vitin 2022.

(M.D/Shuplaka)