E papritur qe zgjedhja e Metës dje president i Republikës. Pas zgjedhjes së tij, Meta foli krejtësisht pa letër në foltore, po kështu u harruan edhe të ftoheshin në seancë ambasadorët. Më vonë deputetja e LSI-së Monika Kryemadhi, njëkohësisht bashkëshortja e presidentit të zgjedhur e tha hapur para të gjithë gazetarëve se duhet ta linin ”të merrte frymë dhe të mendonte”, duke nënkuptuar se edhe për të qe kaq e papritur.
Por dje, një mesazh të fortë ka dhënë edhe këshilltari i Metës, Emiljano Aleksi.
”Për të gjithë mosmirënjohësit që kanë shkruar fjalën ”Fund”, ne u themi me gjithë forcë që sot kemi shkruar fjalën ”Fillim”. Mbi të gjitha Shqipëria”, është mesazhi i këshilltarit të Metës pas zgjedhjes president.
Nga sot e tutje LSI do të drejtohet nga nënkryetari, Petrit Vasili pas deklaratës së Metës se do të japë dorëheqjen. (V.G/SHUPLAKA)
