Pas publikimit të emrave të kandidatëve të Partisë Socialiste, kryeministri Edi Rama, në një dalje për mediat ka deklaruar se pavarësisht se në 00:00 përfundojnë afatet, ka besim se opozita do të marrë pjesë në zgjedhje.
“Unë vazhdoj të mendoj që PD do hyjë në zgjehdje dhe jam i bindur se nuk është një iluzion por është reale. Jam po ashtu besim plotë se sic e kemi shprehur në vijimësi do mund ‘ti krijonim PD-së dhe partive të tjera rreth saj mundësinë të rregjistrohen, natyrisht në formatin aktual secili më vete jashtë afateve.
Unë uroj që afati final të sjellë edhe më shumë arsye, jam i gatshëm ti ofroj PD-së mundësinë që më 7 maj të shkojë me një kandidat dhe jo me një tufë njerëzish.”, deklaroi Rama.
Ndër të tjera Rama ka deklaruar se emrat e përfshirë në listat e PS-së i janë nënshtruar një procesi verifikimi.
“Dua thjesht të bëj një përmbledhje sa më të shkurtër për skuadrën. Kam falenderimet më të sinqerta dhe shprehjen më mirënjohjes dhe respektit më të madh që bën si i PS-së në Kuvendin e Shqipërisë, skuadra e re përfaqësuese ka misionin jo thjesht të fitojë ndeshjen e 18 qershorit, betejën e 18 qershorit, për të bërë të mundur që në këtë fazë të rrugëtimit tonë do t’ja dalim, për të gjithë atyre që do të na japin besimin për të ecur përpara.
Mendoj se është momenti për të falenderuar të gjithë drejtuesit e qarqe që kanë bërë një punë të lavdërueshme për të gjitha potencialet, kandidaturat mundshme të cilat kanë qenë mbi 1 mijë e 500 dhe për të arritur në një listë apo tërësi listash përfundimtare që nuk duan të thonë që kjo është e gjitha, pasi patjetër që edhe të tjerë burra e gra, djem e vajza, mund të kishin qenë pjesë, por si çdo kufizim, skuadra ka një numër të përcaktuar kandidatësh dhe për ne numri përcakton një seleksion shumë rigoroz.
Edhe përpjekjen për të verifikuar që të gjithë figurat e skuadrës sonë me ligjin e pastërtisë të figurës së shërbëtorit publik por edhe se në mënyrë rigoroze është shqyrtuar në çdo detaj CV-ja e çdo kandidati e kandidateje. Mendoj se mund t’u themi njerëzve se jemi gati të fillojmë fazën finale”, deklaron Rama. (D.D/Shuplaka)
Discussion about this post