Situata në Maqedoni vijon të jetë e rënduar dhe ndërhyrja e ndërkombëtarëve ende nuk po e zgjidh situatën.
Nga ana tjetër pavarësisht se gjendja e deputetit shqiptar Ziadin Sela paraqitet më e mirë mjekët kanë vendosur që të mos lejojnë vizita nga jashtë për deputetin.
“Kryetari i partisë tonë z.Ziadin Sela është me shëndet të mirë dhe ne gjendje stabile, por duhet të komunikojmë kërkesën e ekipit mjekësor të cilët sot morëm vendim të formës së prerë që të ndalohen të gjitha vizitat në dhomën e tij.
Jemi të sigurtë për mirëkuptimin tuaj dhe faleminderit sërish, që edhe pse këto ditë kanë qënë orë tmerri, shqiptarët kanë dhënë një fotografi madhështore bashkimi, duke harruar ndarjet politike dhe ideologjike dhe duke i thënë botës se kur vjen puna tek Kombi shembim partitë – thuhet në reagimin e LR-PDSH-së.
Kujtojmë se Sela u rrah barbarisht nga huliganët që hynë në Parlamet ditën kur u zgjodh në krye të Kuvendit shqiptari tjetër Telat Xhaferri. (E.K/SHUPLAKA)
Discussion about this post