Themeluesi i televizionit Iranian Gem Tv është ekzekutuar sot në Stamboll, njoftojnë mediat e huaja. 45-vjeçari Saeed Karimian, është qëlluar për vdekje në lagjen e Maslak, së bashku me partnerin e tij të biznesit, një shtetas kuvajtian.
Makina e përdorur nga ekzekutoret është gjetur më pas e djegur.
Autoritetet policore turke kanë nisur menjëherë hetimet për ngjarjen. Karimian ishte gjykuar më parë në nga një gjykatë në Teheran, duke u dënuar me gjashte vjet burg për shpërndarje të propagandës kundër Iranit.
Autorët ishin të maskuar dhe hapën zjarr në drejtim të makinës ku ndodhej iraniani që vdiq në vend, ndërsa shtetasi tjetër kuvajtian në spital, njofton Policia.
Gem Tv, që dublon emisione të ndryshme kryesisht perëndimore në persisht, duke i transmetuar në Iran, ishte kritikuar nga regjimi i Teheranit për transmetim të programeve me përmbajtje kundër vlerave iraniane, raporton BBC.
Karimian mësohet se ishte kërcënuar nga regjimi gjate tre muajve të fundit dhe për këtë arsye ai planifikonte të largohej nga Stambolli e të zhvendosej në Londër. (M.D/Shuplaka)
Discussion about this post