Deputetë të vjetër dhe të rinj, të afërt me Ramën dhe larg tij jo pak emra të rëndëishëm janë lënë jashtë listës së PS-së. Një prej atyre që spikat në mungesën e tij është padyshim dhe Alfred Peza.
I njohur për lidhjen e tij me mediat, përfshirja e tij në PS u përfol jo pak, mirëpo pas katër viteve mesa duket Pezës i duhet t’i rikthehet sërish dashurisë së tij të vjetër. Ndoshta tashmë nën petkun e një njohësi edhe më të mirë të politikës.
Në këto muajt e fundit një skandal e përfshiu figurën e deputetit siç ishin akuzat në lidhje me pasurinë e tij. E më konkretisht aksionet prej 1.3 miliardë lekësh së bashkëshortes së tij Ndini në një bankë të nivelit të dytë.
Nuk dihet nëse kjo ka ndikuar në vendimin e Ramës për ta lënë Pezën jashtë listave, po ajo që dimë të themi me siguri është se Peza është nën hetim zyrtar nga Prokuroria dhe mbi pasurinë e tij dhe të bashkëshortes është vendosur sekuestro.
Vetë Peza i ka mohuar të gjitha këto akuza, po mesa duket Rama nuk i ka kapërdirë dhe pse publikisht është shprehur pro tij. (E.K/SHUPLAKA)
