Sekretari për marrëdhëniet me jashtë në PD, Gert Bogdani i ftuar në emisionin “Dritare me Rudinën”, ka deklaruar se Partia Demokratike nuk ka marrë asnjë vendim për të bojkotuar zgjedhjet.
“Nuk ka vendim për bojkot zgjedhjesh por vendim për bojkot parlamenti. PD nuk e ka artikuluar ndonjëherë këtë gjë. Ne kemi thënë se kërkojmë qeveri teknike. Nuk kemi marrë vendimin për bojkot, vetëm kemi kërkuar zgjedhje të lira e të ndershme dhe nuk kemi thënë që nuk do të marrim pjesë në zgjedhje të tilla. Zgjedhje më 18 qershor nuk do të ketë. Por PD do të marrë pjesë nëse shtyhen, qoftë në 16 korrik ose më vonë dhe sigurohen standardet”, shprehet Bogdani.
Ndër të tjera Bogdani ka folur edhe për zgjedhjet në Kavajë, për të cilat opozita ka paralajmëruar protesta intensive, mirëpo duke mos e zbuluar skenarin e plotë.
“Protestën në Kavajë do ta bëjmë së pari për qytetarët e Kavajës, të cilët jetojnë sot si 27 vite më parë. Deri 3 javë më parë, qytetarët e Kavajës kishin frikë tu jepnin dorën përfaqësuesve të PD në rrugë. Sot vijnë vet dhe ta japin dorë, gjë që tregon një ndryshim rrënjësor, sepse ata shohin përkrahje nga ne. Ata e treguan me bojkotin që i bënë Ramës, i cili anuloi mitingun e të mërkurës”, tha Bogdani. (D.D/Shuplaka)
Discussion about this post