Ka përfunduar pas tri orësh takimi i nisur paraditen e sotme në ambientet e Presidencës. Vetëm pak minuta më parë, kryeministri dhe njëherazi kreu i PS-së, Edi Rama është parë të dalë në shoqërinë e Gramoz Ruçit. Ai është larguar në këmbë nga Presidenca dhe i është drejtuar Kryeministrisë.
Ai nuk ka pranuar të bëjë asnjë koment mbi tryezën e sotme të bisedimeve e thirrur një ditë më parë nga Presidenti i Republikës së Shqipërisë.
Ndërkaq, kreu demokrat vazhdon të qëndrojë brenda Presidencës, mbase për një takim kokë më kokë që është duke u zhvilluar mes tyre.
Kryeministri Rama, i cili la i pari këto takim të nisur në orën 10:10 të së mërkurës të 3 majit, ishte edhe i pari që mbërriti paraditen e sotme në Presidencë në shoqërinë e Gramoz Ruçit.
Ç’NDODHI MË HERËT:
Rama hyn i pari në Presidencë përkrah kreut të Grupit Parlamentar të partisë së tij Gramoz Ruçit, pas tij Lulzim Basha me kreun e Grupit Parlamentar të PD-së, Edi Palokën.
Për pak minuta Rama dhe Ruçi qëndruan nën shoqërinë e sekretarit të Përgjithshëm të Kryeministrisë, Engjëll Agaçi, i cili u kthye në Kryeministri, teksa Rama kapërceu portën e madhe të Presidencës. Ndryshe nga Rama që shkoi në këmbë, Basha zgjodhi të hyjë me automjetin e tij deri në oborr.
Mbledhja e djeshme e Grupit Parlamentar të PD-së zgjati deri orët e vona dhe pas saj në një deklaratë për mediat kreu i kësaj Partie Basha shpjegoi se çfarë ishte diskutuar me ndërkombëtarët.
Sipas tij opozita nuk tërhqiet nga qeveria teknike dhe se me lajmet që dalin në media është spekuluar mjaft. Ditën e djeshme ishte Nishani ai që bëri hapin e parë për të ftuar Partitë pasi sipas tij përmasat e krizës janë përkeqësuar ndjeshëm. I menjëhershëm qe reagimi i Ramës i cili deklaronte se kjo ishte një ftesë e vonuar.
(XH.A/SHUPLAKA)
Discussion about this post