Pedagogia, studiuesja dhe kritikja Dhurata Shehri sjell pasqyrën e vitit letrar 2016. Ajo flet për numrin e botimeve gjatë 2016-ës krahasuar me vitet e tjera, cila letërsi dominon në Shqipëri, cili zhanër ka sfiduar të tjerët, si paraqitet Letërsia Shqipe krahasuar me të tjerat dhe cilët janë titujt më të pëlqyer, të autorëve shqiptarë me vëllimet e tyre.
“Në vitin 2016, në Shqipëri, janë botuar 851 tituj. Krahasuar me vitet paraardhëse, shifrat janë pak a shumë të përafërta, ose thënë ndryshe “asgjë e re nga fronti i librave”: 856 tituj në 2015; 954 tituj në 2014; 819 tituj në 2013.
Letërsia shqipe dominon me 70% dhe duket e njëjta prirje prej vitesh, ndoshta prej shumë vitesh. Shtëpitë botuese “të specializuara” në letërsinë shqipe që botojnë 99% autorë shqiptarë u ngjajnë më shumë shtypshkronjave, që me kosto relativisht të lira mund të “shtypin” mallin e djegur për vendlindjen të emigrantëve, qurravitjet e dashurisë së adoleshentëve, ëndrrat e mjeruara të dështakëve në prag pensioni, heroizmat e banalitetin e qyqarëve të çdo moshe.”, shprehet pedagogia Shehri.
Sa i përket LETËRSISË SHQIPE, pedagogia në Fakultetin Filoligjik shprehet se Letërsia klasike shqipe këtë vit është “rrudhur” më shumë se vitet e tjera, përfaqësuar vetëm me ribotimin e Fishtës dhe Gurakuqit” ndërkohë që edhe këtë vit librat “e zhurmshëm” nuk kanë munguar në skenën editoriale shqiptare.”
TITULLI MË I BUKUR Nuk zhgënjejnë autorët shqiptarë edhe këtë vit me titujt e vëllimeve të tyre. Zgjedhja e më të bukurit është shumë e vështirë mes:
- Kur përtypen malet;
- Flirtoj me universin;
- O sa shumë po vuaj; Po tani o i mjerë! (ku thirrja më shumë është e lexuesit);
- Më prishët vargun;
- Tango me veten;
- Kuajt e erës;
- Do ta kafshoj botën.
Discussion about this post