“Hiqe këtë alibi”, Manjani ka një këshillë për Bashën

Ish-ministri i Drejtësisë, Ylli Manjani, është ndër të parët që ka reaguar pas përfundimit të takimit Rama-Basha sot në Presidencë me kërkesë të Kreut të Lartë të Shtetit.

Përmes një reagimi të shkurtër në llogarinë e tij në “Twitter”, ai i ka dhënë një këshillë kryetarit të PD-së, të cilit i sugjeron që të votojë Vettingun” dhe të shpëtojë kështu zgjedhjet e lira.

“Një këshillë për z. Basha: votoje vetting-un të shpëtojnë zgjedhjet e lira! Hiqe këtë alibi që përdoret padrejtësisht si njollë mbi PD!”, shkruan ish-ministri i Drejtësisë, Ylli Manjani.

Opozita është akuzuar vazhdimisht nga mazhoranca si pengesë e Vettingut. Shpeshherë kryeministri Rama dhe përfaqësues të tjerë të mazhorancës janë shprehur se bojkoti i parlamentit dhe mosfutja në zgjedhje e opozitës kanë për qëllim shmangien e reformës në drejtësi. 

(XH.A/SHUPLAKA)