Klubi i Partizanit kishte depozituar më përpara në FSHF kërkesën që në sfidën e së premtes kundër Kukësit në “Selman Stërmasi” të gjykonin arbitra të huaj dhe jo vendas .
FSHF me një lajmërim në faqen zyrtare në FB ka lajmëruar se “Komisioni i Caktimit të Arbitrave pranë FSHF” ka marrë në konsideratë kërkesën e Partizanit.
POSTIMI i FSHF-së:
“Komisioni i Caktimit të Arbitrave pranë FSHF duke marrë në konsideratë edhe peshën, vlerën dhe rëndësinë e ndeshjes së kësaj jave mes Partizanit dhe Kukësit ka vendosur që kjo ndeshje të gjykohet nga një treshe e huaj arbitrimi. Federata do të bëjë publike në ditët në vijim edhe arbitrat e huaj që do të vijnë në Tiranë për këtë ndeshje”, shkruhej në njoftimin e FSHF-së.
Sipas të gjithave gjasave arbitrat që do gjykojnë sfidën e rëndësishme do vijnë nga “Bundesliga”.
(M.D/Shuplaka)
