Sot pasdite presidenti Nishani ka ftuar dy liderët kryesorë në vend për një negociatë të dytë të ndërmjetësuar nga kreu i shtetit. Basha dhe Rama do të takohen sot në orën 19:00 në mjediset e Presidencës.
Dje ishte takimi i parë i thirrur nga Nishani i cili doli pa rezultat pas 3-oërsh në Presidencë ku Rama kishet me vete Ruccin dhe Basha Palokën.
Kjo është një retrospektivë e ofertave të propozuara në ndërmjetësimin mes Bashës dhe Ramës.
NEGOCIATAT ME MC ALLISTER DHE FLECKENSTEIN:
Rama ofroi:
- 4 ministra teknikë
- Kreun e KQZ
- Shtyrja e zgjedhjeve deri në datën 16 korrik
Basha: Refuzon, kërkon:
- Qeveri teknike
- Identifikim të zgjedhësve
- Votim elektronik
Bisedimet mbyllen pa rezultat.
TENTATIVA E PARË NË PRESIDENCË:
Rama ofron:
- Zv kryeminstër i propozuar nga PD por jo anëtar
- Në ministrinë e Brendshme një zv.ministër i propozuar nga PD, jo anëtar partie.
- Zv.ministër për Arsimin e propozuar nga PD
- E njëjta gjë për burgjet.
- Ministër Shteti për teknologjinë në zgjedhje, të ketë ekipin e vet dhe buxhetin e vet, dhe të përgatisë një projekt për numërimin dhe votimin elektronik. Nëse projekti është i zbatueshëm ne gati ta financojmë dhe zbatojmë në zgjedhjet lokale të vitit 2019.
Basha: Refuzon, shton se është hequr dorë madje edhe nga propozimet kur ishin ndërkombëtarët.
REAGIMET:
Basha: Unë shkova me zotimin e marrë para miqve tanë europianë. Pala tjetër është tërhequr edhe nga propozimet e javës së kaluar që vetë i loboi.
Rama: Që prej dy muajsh i them Bashës, hajde takohemi, hajde takohemi. Unë kam propozuar dialog pa kushte. Unë kam thënë që jam gati të diskutoj qeveri teknike po jo që të pranoj qeveri teknike. Unë kam dëgjuar 7 fjalime dje në tavolinë, po kam dëgjuar nuk do të thotë që kam rënë dakord”,- shtoi Rama.
Ndërkohë sot kryeministri Rama e krahasoi politikën me shahun, në krahasim me kundërshtarin politik që sipas Ramës e sheh politikën si damë duke përdorur metodën e pokerit, që të çon në bllof.
“Për mua politika është shah, nuk është damë. Sigurisht që dikush zgjedh ta luajë siç e sheh të arsyeshëm. Por nëse luan si damë duke përdorur metodën e pokerit, duhet të marrësh parasysh se me bllofin mund të fitosh shumë por mund të humbësh gjithçka. Shahu ka strategji të tërë. Kur plani i zbulohet kundërshtarit, kundërshtari është mat. Sot jemi në kushtet kur nuk mundet dot të harrojmë. PS dhe PD janë kundërshtarë. Siç e dini shkuam deri te takimi famëkeq i Pallatit të Kongreseve, dy krerë Partie që rrinë në dhima të ndara, njëri me një gjerman dhe tjetri me gjerman tjetër. Ilir Meta ka pranuar menjëherë ofertën e ndërkombëtarëve, ndërsa unë jam shprehur kështu ‘’Nuk i pranoj po as i refuzoj, vetëm nëse PD-ja do të votojë Vettingun’’, po nuk patëm më shumë mundësi diskutimi pasi Basha u largua nga Pallati i Kongreseve”,- u shpreh Rama sot për gazetarët.
A do të arrihet më në fund në një gjuhë të përbashkët mes dy palëve pas disa dështimeve me të huajt dhe presidentin Nishani?
Mbetet për tu parë nëse sot në takimin e dytë të thirrur do të dalë tym i bardhë nga Presidenca dhe a do të mbyllet kutia e shahut që po luhet duke kaluar kohën normale të lojës.
(M.D/Shuplaka)
