Lefter Koka në Spitallë të Durrësit: Zonë e lënë në harresë

Ministri i Mjedisit dhe njëherësh kryetari i LSI Durrës Lefter Koka, ka qenë sot në Spitallë të Durrësit për një takim me elektoratin.   

Ai u shpreh se kjo zonë është lënë në harresë dhe se ka nevojë për politika mbështetëse.

“Në 10 vitet e fundit Spitalla është lënë në harresë, një zonë ku banon rreth 30% e popullatës. Spitalla ka nevojë për politika reale mbështetëse sociale, qytetarët besojnë votën e tyre për mos t’u përballur me indiferencën e arrogancën e politikës, por që ne politikanët të jemi aty për ta, të dimë të dëgjojmë nevojat e tyre dhe të japim maksimumin për t’ju përgjigjur. Për këtë arsye LSI është një shans për të gjithë”: – theksoi Koka.

Gjatë këtij takimi u bë dhe prezantimi i disa prej kandidatëve për deputetë të Qarkut Durrës të LSI Lefter Koka, Flamur Gjuzi, Arb Shtylla, Edlira Hyseni, Skerdi Bello dhe Xhojana Gjici.

(M.D/Shuplaka)