Këngëtarja shqiptare Linda Halimi, e cila këtë vit përfaqëson Shqipërinë në “Eurovizion”, po përjeton disa momente shumë të bukura, por ndihet e shkatërruar emocionalisht për shkak të mungesës së pranisë së të afërmve të saj.
Kështu ka treguar vetëm pak orë më parë këngëtarja, në një postim në rrjetet sociale.
“Do të kishte qenë një ëndërr e madhe e bërë realitet, nëse do të kisha prindërit, vëllezërit, këtu në Ukrainë për të më mbështetur. Kjo do të më plotësonte, në një prej skenave më të mëdha të botës. Por fatkeqësisht ata nuk mund të vijnë! Kjo më shkatërron emocionalisht. Por unë do të bëj më të mirën time që të mos i zhgënjej e të jap gjithçka në këtë performancë”, shkruan Halimi.
Të dielën kanë performuar nëntë shtete të natës së parë të Eurovisionit, përfshirë edhe Shqipërinë e përfaqësuar nga Linda. Mirëpo këngëtarja shqiptare u rendit e teta nga nëntë shtete. E para është renditur Norma John e Finlandës. (D.D/Shuplaka)
