Deputeti Spartak Braho ka reaguar lidhur me përgjimin e përë publik një ditë më parë nga ish-kryeministri Sali Berisha, i cili bëri të ditur ditën e sotme se “Brahon dhe Legisin i ka përgjuar SHIK-u”.
Lidhur me përgjimin e bisedës telefonike, ai është shprehur për një portal online se bëhej fjalë për një bisedë mes shokësh, ndërsa për ish-kryeministrin Berisha ai tha se nuk e ka harruar zanatin e vjetër të informatorit.
Sipas deputetit, publikimi i këtij përgjimi ka për qëllim heqjen e vëmendjes nga kriza politike që ka përfshirë vendin, krizë në të cilën Berisha ka futur PD-në, sipas Brahos.
“Nuk e kuptoj se ku ishte ‘vlera’ e asaj bisede të përgjuar në një vend misterioz. Një muhabet normal shokësh që dy forcat e vjetra politike i detyruan të futen në grevë urie në vitin 2008 por si paranojak përgjimesh ai nuk e ka harruar zanatin e vjetër të informatorit dhe hedh në pazarin mediatik manipulime bisedash për të tërhequr vëmendjen nga kriza ku e ka futur PD rrangalla politike vazhdon ashtu siç thotë populli fjalën e urtë me qen dhe qime”, është shprehur Spartak Braho.
Mbrëmjen e djeshme, Sali Berisha publikoi një audio me zërat e Brahos dhe Legisit, ku deputeti Spartak Braho shprehej se “e kishte mbajtur Ilir Metën me bajame”.
(XH.A/SHUPLAKA)
Discussion about this post