Kryetari i ri i LSI-së, Petrit Vasili, është shprehur se “duhet të lëshojmë nga vetja, çka është sakrifixë e vogël”, duke iu referuar këtu krizës politike që ka përfshirë vendin.
Ai bëri apel për të marrë shembull nga ata të rinj që ranë dëshmorë për çlirimin e atdheut.
Këtë deklaratë, kreu i LSI-së e bëri gjatë homazheve në bustin e Qemal Stafës, së bashku me deputetë të kësaj partie.
“Mesazhi është besoj sot më aktual se kurrë, ku na duhet të lëshojmë nga vetja dhe kjo është një sakrificë shumë e vogël, për një Shqipëri më të sigurtë, realitet më të garantuar të vendit dhe njëkohësisht për të bërë që vendi ynë të vazhdojë rrugën e integrimit europian.
Pra ajo sakrificë që na kërkohet neve sot është shumë më e vogël në raport me mësimin e madh që na vjen nga historia dhe nga dita e 5 Majit, ku të rinjtë që dhanë gjakun e tyre janë këtu për të na bërë apel për përgjegjshmëri më të lartë ndaj vendit dhe çfarë s’duhet të kursejmë ne absolutisht për të mirën dhe qetësinë e sigurinë e vendit.”
(XH.A/SHUPLAKA)
