I emocionuar apo i paartikuluar mirë, nuk dihet. Klodian Shehi pas tërheqjes së detyruar nga gara për Kavajën ka mbajtur një fjalim me tone entuziaste.
Duke u shprehur se kryeministri Rama e di më mirë se cili është interesi i vendit, Shehi ngatërron festën me vezën. ‘’Kjo vezë do të vazhdojë gjatë’’, shprehet ai ndër të tjera.
‘’Interesi im nuk vlen para interesit kombëtar. Ju them fillimisht faleminderit, faleminderit se ju tregoni që jemi bashkë. Ne bashkë do ecim shumë.
Unë sot jam kryetari i Bashkisë, pranoj çdo sfidë, çdo garë, kur të duan si të duan. Kavaja ka zgjedhur drejtimin e duhur. S’më mbetet gjë tjetër veçse tiu them të kaloni bukur, kjo vezë do të vazhdojë gjatë’’, u shpreh Shehi.
Kujtojmë se zgjedhjet që parashikoheshin të mbaheshin nesër në Kavajë nuk do të mbahen. (E.K/SHUPLAKA)
