“Të vriten Macron dhe Le Pen”, paralajmërime të frikshme nga ISIS një ditë para zgjedhjeve në Francë

Vetëm një ditë nga ndan nga raundi i dytë i zgjedhjeve presidenciale në Francë, mirëpo ISIS u ka bërë thirrje ekstremistëve islamikë të vrasin kandidatët Marine Le Pen dhe Emmanuel Macron.

Revista propagandistike “Rumiyah” e ISIS, kërkon të vriten dy kandidatët dhe të digjen qendrat e votimit.

“Mos harroni detyrën tuaj si myslimanë. Zgjidhni një kandidat, vriteni dhe vërini zjarrin qendrave të votimit”, shkruhet në artikull.

Zgjedhjet në Francë pritej të kishin më shumë trazira, kjo edhe për shkak të kundërshtive të mëdha mes kandidatëve për presidentë. Mirëpo paralajmërimi i ISIS e shton rrezikun akoma më shumë.

Kandidati Emmanuel Macron ka fituar 23.75 përqind të votave, në raundin e parë të zgjedhjeve,  ndërsa kandidatja Marine Le Pen 21.53 përqind.

Deri më tani kandidati më i favorizuar është Macron. Këto zgjedhje janë shumë të rëndësishme jo vetëm për Francën por edhe për BE-në, pasi në rast se fiton Le Pen, rriten shanset për një Frexit. (D.D/Shuplaka)