Klajda Gjosha, Kejdi Mehmetaj dhe Floida Kërpaçi, të treja kandidate të LSI-së për qarkun e Tiranës, të ftuara në emisionin “Oktapod” të Turjan Hyskës, kanë folur për rolin e gruas në shoqërinë dhe politikën shqiptare.
Të pyetura nga Turjan Hyska nëse duan që Ilir Meta të kthehet në LSI pas mandatit të presidentit, ministrja e Integrimit Klajda Gjosha ka deklaruar se këtë e ka në dorë vetë Meta.
“Është në zgjedhjen e tij, ne jemi këtu për të garantuar se LSI-ja jo vetëm do të vazhdojë por do të ketë një rritje të jashtëzakonshme dhe këtë do ta shikoni edhe në zgjedhjet e ardhshme.
Ndër të tjera, ministrja ka deklaruar me besim të plotë se LSI mund të shpallet forcë e parë, madje se do të punojnë fort që kryeministër të shpallet Petrit Vasili.
“Nuk kemi patur ndonjëherë problem të mëdha, ndoshta media shpeshherë dëshiron t’i shfaqë të tilla.
Pavarësisht mesazhit të Petrit Vasilit, juve si mendoni me një parti politike nuk do të kërkojmë ne liderin tonë të jetë kryeministër. Ne sot vërtetë kemi Ilir Metën president por nuk na ndalon njeri të punojmë dhe të kërkojmë edhe Petrit Vasilin kryeministër.”, ishin fjalët e Gjoshës.
Për pas ka ndërhyrë edhe deputetja më e re në Parlament Kejdi Mehmetaj, e cila është shprehur: E kemi ndarë mendjen që të jemi forcë e parë sepse vetëm LSI mund t’u japë njerëzve shanse! (D.D/Shuplaka)
Discussion about this post