“KQZ sot ka marrë fund për ne”, Basha e akuzon “si të kapur me krimin”

Kryetari i Partisë Demokratike, Lulzim Basha, ka reaguar ndaj mbledhjes së sotme të Komisionit Qendror të Zgjedhjeve.

Duke e akuzuar si “të kapur me krimin”, Basha u shpreh se KQZ ka sot fund për opozitën, ndërkohë që theksoi se Republika e vjetër e ka thyer Kodin Zgjedhor, ndaj nuk do të ketë zgjedhje më 18 qershor.

“Meqënëse jemi tek procedurat zgjedhore, KQZ ka refuzuar të tregojë listat e partive Partisë Demokratike. Kjo KQZ është bërë mburojë e paligjshmërisë, kundër transparencës. Është armiku kryesor i së vërtetës, është e kapur në krim.

Republika e Vjetër ka thyer Kodin Zgjedhor. Nuk ka zgjedhje më 18 qershor. I madh e i vogël nuk është regjistruar, përveç atij koalicioni, edhe ai i paplotë. KQZ sot ka marrë fund për ne.”

(XH.A/SHUPLAKA)