Majlinda Bregu pas mbledhjes së Kryesisë: PD duhet të rindërtohet, të mos marrësh pjesë në zgjedhje nuk është fitore

Deputetja demokrate Majlinda Bregu ka dalë nga mbledhja e Kryesisë së PD dhe grupit parlamentar.

Në daljen për mediat Bregu u shpreh se të mos marrësh pjesë në zgjedhje nuk është fitore.

Fjala e Bregut:

Në parlamentin e ardhshëm sot nuk do të ndihen të përfaqsuar shumë shqiptarë. Ato gjëra që kam për t’i thënë nuk i fsheh.  Jam e bindur që 18 qershori  nuk do të jetë ditë zgjedhjesh. 18 qershori po ashtu nuk duhet të trajtohet nga Edi Rama  si 29 nëntori i Enver Hoxhës. Të mos marrësh pjesë në zgjedhje nuk është fitore.

Rindërtimi i Partisë Demokratike është detyrë e çdo qytetari. Nuk duhet t’i lëmë shqiptarët në një klimë tensioni. Nuk e gjej me vend mospjesëmarrjen në zgjedhje.

(M.D/Shuplaka)