Kreu i LSDM-së, Zoran Zaev, i ka bërë thirrje presidentit maqedonas Gjorge Ivanov që të mbështesë qeverinë e re. Lidhja Social-Demokrate e Maqedonisë duke theksuar rëndësinë dhe nevojën e një qeverie të re reformuese, kërkoi bashkëpunim nga ana e VMRO-DPMNE-së dhe kreut të lartë të shtetit.
Sipas partisë LSDM, formimi i qeverisë së re është interesi më i lartë shtetëror dhe çdo veprim kundër këtyre interesave do të përbënte vepër penale të ndëshkueshme.
Zaev zotohet që qeveria e re do anagazhohet në zbardhjen e plotë të ngjarjeve në Kumanovë, rastin “Monstra”, “Brodecin”, etj.
“Gjithsesi, një nga zgjidhjet e para ligjore, që duhet sjellë në Parlament është ndryshimi i Kodit Zgjedhor, për shkak të prolongimit të zgjedhjeve lokale, besoj për në vjeshtë, por këtë e planifikojmë në pajtim me të gjitha partitë parlamentare.”, është shprehur ndër të tjera kreu i LSDM-së i pyetur për hapat e parë pas marrjes së mandatit.
(XH.A/SHUPLAKA)
Discussion about this post