Deputetja e Partisë Demokratike, Majlinda Bregu, kohët e fundit është shfaqur publikisht kundër vendimeve dhe qëndrimit të Lulzim Bashës përsa i përket krizës politike në vend. Vetëm një ditë më parë Bregu theksoi se kur opozita nuk hyn në zgjedhje në parlamentin e ardhshëmn nuk do të ndihen të përfaqësuar shumë shqiptarë.
“Ato gjëra që kam për t’i thënë nuk i fsheh. Jam e bindur që 18 qershori nuk do të jetë ditë zgjedhjesh. 18 qershori po ashtu nuk duhet të trajtohet nga Edi Rama si 29 nëntori i Enver Hoxhës. Të mos marrësh pjesë në zgjedhje nuk është fitore. Rindërtimi i Partisë Demokratike është detyrë e çdo qytetari. Nuk duhet t’i lëmë shqiptarët në një klimë tensioni. Nuk e gjej me vend mospjesëmarrjen në zgjedhje.”, u shpreh Bregu.
Por duhet të sjellim në vëmendje që vetëm disa vite më parë nga ana e Bregut nuk mungonin edhe kritikat dhe sugjerimet për “Rilindjen” e cila kishte vetëm pak muaj që kishte ardhur në pushtet.
Madje ashtu siç shihet edhe në këto postime të publikuara nga ajo vetë në “Facebook” , të cilat janë bërë në vitin 2013 Bregu shprehet edhe kundër Edi Ramës, me citimet si” Po bllokonte prespektivën europiane të vendit dhe këtë po e bënte për të çimentuar karrigen e kryetarit të Partisë Socialsite. Për buxhetin e vitit 2014 të cilën e ka konsideruar “rilindje nga rënimi”. Por ajo është shprehur për Ramën se “nuk ka mbajtur premtimet e tij elektorale”. Pra vetëm disa vite më parë nuk ishin të pakta edhe kritikat ndaj Ramës. Ndërsa sot fokusin e saj kryesor në politikë e ka me Lulzim Bashën pasi duhet të theksojmë që vendi është aktualisht në një ngërç politik. (J.V/Shuplaka)
[ngg_images source=”galleries” container_ids=”1753″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
