Kreu i opozitës Lulzim Basha duke folur nga çadra e protestës së opozitës është shprehur se Rama ka shkatërruar çdo zgjedhje që ka pasur në dorë të zhvillojë.
Duke marrë si shembull zgjedhjet lokale në Korçe në 2013-tën dhe lokalet e përgjithshme në të gjithë Shqipërinë Basha u shpreh se Ramës nuk mund ti besohen sërish zgjedhjet.
Ai vijoi më tej duke thënë se Rama e ka për krenari të jetë shoku i Termet Peçin, ndërsa për vetë Bashën është krenari të pish një kafe me Artan Fugën.
‘’Votim monist do të thotë që të mos kesh mundësi të zgjedhësh dhe kjo është ajo që po bën Rama. Ai ka ndërmarrë një plan për të asgjesuar dhe destabilizuar vendin përmes shkatërrimit të zgjedhjeve. Kush i solli kriminelët në Kuvend?
Kush i solli kriminelët në krye të Bashkive? Kush solli në krye të POolicisë njerëz të kriminuar? Kush e mbushi Shqipërinë me drogë? Edi Rama dhe njerëzit e tij të lidhur me krimin. Rama ka shkatërruar të gjitha zgjedhjet që ka pasur në dorë, e mbani mend zgjedhjet në Korçë që Rama u filmua duke blerë votën, e mbani mend 2015-tën që Rama vonoin qëllimisht ligjin e dekriminalizimit.
Që çoi Tërmetin në Tepelenë, ai është shoku i tij. Unë krenohem kur ulem dhe pi një kafe me Artan Fugën me shokë, ai krenohet me Tërmet Peçin’’, u shpreh Basha. (E.K/SHUPLAKA)
Discussion about this post