Një sherr me përmasa të mësha ka ndodhur sot në qytetin e Dibrës. Në të janë përfshirë dy familje dhe ka përfunduar me 3 të plagosur.
Ngjarja ka ndodhur në fshatin Laçes, njësia administrative Fushë-Alie në Dibër, ku në konflikt janë përfshirë fillimisht shtetasit Zenel Margjoni, 65 vjeç dhe Xhevat Përgjegji, 19 vjeç të cilët e kanë goditur njëri-tjetrin për motive të dobëta.
Më pas janë përfshirë në konflikt edhe familjarët e tyre, shtetasit H.M, dhe L.M, familjarët e 65-vjeçarit si dhe shtetasja M.P., familjare e të riut.
Si pasojë e konfliktit kanë mbetur të dëmtuar dy protagonistët kryesorë të sherrit dhe e afërmja e 19-vjeçarit, të cilët po marrin ndihmë mjekësore në spitalin e Peshkopisë dhe janë jashtë rrezikut për jetën.
Në përfundim të veprimeve të para hetimore Specialistët për Hetimin e Krimit në Komisariatin e Policisë Dibër kanë arrestuar në flagrancë shtetasit Xhevat Përgjegji, 19 vjeç, për veprën penale “Plagosje e lehtë me dashje” dhe Zenel Margjoni, 65 vjeç, për veprën penale “Plagosje e lehtë me dashje” e kryer në bashkëpunim.
Policia e Dibrës që ka ndërhyrë në kohë, pa përshkallëzimin e konfliktit ka filluar procedimi penal në gjendje të lirë për shtetasit:
H.M, 65 vjeç, dhe L.M, 36 vjeç, banues në Njësinë Administrative Fushë-Alie-Dibër.
Materiale hetimore i kaluan Prokurorisë Rrethit Gjyqësor Dibër për veprime të mëtejshme. (E.K/SHUPLAKA)
Discussion about this post