“Forcat e armatosura të Federatës Ruse janë të gatshme t’i kundërpërgjigjen çdo kërcënimi”, deklaroi sot presidenti rus, Vladimir Putin gjatë fjalimit në Sheshin e Kuq me rastin e paradës ushtarake për 72-vjetorin e fitores sovjetike kundër nazifashizmit gjatë Luftës së Dytë Botërore.
“Nuk ka patur, nuk ka dhe nuk do të ketë forca që mund të pushtojnë vendin tonë. Fitorja sovjetike u arrit me sakrificën e jetëve njerëzore. Liria e Evropës dhe e gjithë botës u arrit falë gjyshërve dhe baballarëve tanë”, shtoi Putin.
Më shumë se 10 000 ushtarakë dhe 114 mjete morën pjesë në këtë paradë, ndërkohë që 72 avionë të tipeve të ndryshme nuk fluturuan për shkak të motit të keq.
(S.SH/SHUPLAKA)
Discussion about this post