Një mik i famshëm troket në derën e Petrit Vasilit, kreut të LSI-së, teksa merr në dorë kartën e anëtarësimit në Lëvizjen Socialiste për Integrim.
Ngadalë-ngadalë Fatjon Pustina, aktor dhe model i famshëm që ka bërë karrierë edhe në Itali, ngjit shkallët e selisë dhe troket në zyrën e Vasilit që është duke lexuar gazetën ”Integrimi”.
Jemi mësuar ta shohim Oni Pustinën në shumë role, si model në pasarela, si lajmëtari i Maria de Filippit në ”C`e posta per te” apo në gara kërcimi. Por sot ai ka nisur një tjetër rrugë.
Oni Pustina modeli i njohur shqiptar, ka trokitur sot me biçikleten e tij në derën e Lëvizjes Socialiste për Integrim. Me ftesë të kryetarit të ri Petrit Vasili, Pustina është anëtarësuar sot në radhët e Lsi.
Vasili njihet për mënyrat e tij origjinale në drejtimin e instiucioneve që i besohen, por këtë herë në krye të LSI, Vasili ka zgjedhur të afrojë në parti personat që deri më tani i kanë ndenjur larg politikës.
Pustina do të pasohet së shpejti me të tjerë emra, jo pak të njohur për publikun. Por ai ishte i pari i listës, dhe jo rastësisht. Italia është pika e tyre e lidhjes.
Oni Pustina ka jetuar dhe ka bërë karrierë në shtetin fqinj, ndërsa Vasili ka studiuar për mjekësi atje dhe në fund të viteve `90, kur të tjerët iknin nga Shqipëria ai u kthye. Mund t`ju duket e çuditshme që emri i Petrit Vasilit të lidhet me ndonjë fjalë tjetër përveç mjekut dhe politikanit, por po ju rrëfejmë një sekret të vogël; Pasioni i Vasilit ashtu si edhe i prindërve të tij është letërsia.
”Më duket se ke ti lajm për mua”, i thotë Pustina Vasilit dhe kreu i LSI-së i dhuron kartën e LSI-së.
”Tesera e LSI, dmth që sot unë jam pjesëtar i LSI-së”, i thotë gjatë bisedës Pustina. ”Mirëserdhe Oni te familja jonë! Po të prisnim!”, e uron Vasili.
”Z.Kryetar i rashë asaj dere i bindur se Shqipëria që të bëhet një vend normal ka nevojë për njerëz normal. Dhe pikërisht tani dhe pikërisht për këtë duhet të jemi të parët”, ka vazhduar më tej Pustina.
”Çfarë mund të jemi veçse të parët?!”, e mbyll gjithë videon Vasili.(V.G/SHUPLAKA)
[ngg_images source=”galleries” container_ids=”1766″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
