“Rama sot provokoi Perëndimin në Ditën e Europës”

Ish-ministri i djathtë Tritan Shehu shprehet në rrjetet sociale  se kryeministri Rama ka provokuar ditën e sotme perëndimin në fjalimin e tij për 9 Majin.

9 Maji njihet  si Dita e Europës, ndërsa në Rusi festohet edhe si dita e triumfit ndaj nazi-fashizmit. Ndërkohë, kryeministri Rama e ka cilësuar atë si “Ditën e Fitores”, që në fakt për perëndimorët është 8 Maji.

Sipas Tritan Shehu, Rama ka provokuar perëndimin në fjalimin e tij.

POSTIMI:

KRYEMINISTRI PROVOKON APO DEKLARON NGA PA DIJA!?

Z.Rama deklaroi se sot, 9 Maj, eshte “Dita e Europes” si dhe pervjetori i fitores mbi fashizmin, pra edhe “Dita e Fitores”!

NUK ESHTE KESHTU, KETO JANE DY DATA KREJT TE NDRYSHME:

a-8 Maji eshte “Dita e Fitores” mbi fashizmin e nazizmin e vitit 1945, per te gjithe Bllokun Perendimor.

Kjo tashme eshte e tille edhe per shumicen e vendeve ish komuniste.

VETEM RUSIA, NE VAZHDIM TE TRADITES SE BASHKIMIT SOVJETIK, PERKUJTON 9 MAJIN SI “DITEN E FITORES”.

b- 9 Maji eshte “Dita e Europes”, qe lidhet me paraqitjen nga Robert Schuman me 1950-ten te Planit te Bashkepunimit Ekonomik te ideuar nga Jean Monnet, gje qe shenon themelin e Europes se Bashkuar.

Fatkeqesisht edhe vitin e kaluar Z.Rama i drejtohej 9 Majit si “Dita e Fitores”, pra larg asaj qe njohin Perendimoret!

Mendova atehere se ky ishte nje “lapsus”.

POR RIPERSERITJA SOT ME TINGELLON SI DICKA E QELLIMSHME, SI NJE PROVOKIM NDAJ TE VERTETES PER ARESYE JO TE QARTA PER MUA.

I takon Z.Rama te jape shpjegimet e tij historike a politike per kete devijim datash shume te ndjeshme e te rendesishme.

(M.D/Shuplaka)