Vëllai i Sokol Olldashit kritikon ashpër Bashën: Të besuan votën për ta sfiduar rrebeshin e jo për t’u mbuluar me çadër

Vëllai i ish-deputetit të PD-së, Sokol Olldashi, Ardiani Olldashi është shprehur kundër kreut të opozitës Lulzim Basha.

Nëpërmjet një postimi në profilin e tij në Facebook, zoti Olldashi shprehet kundër bojkotit të parlamentit dhe të zgjedhjeve nga ana e Partisë Demokratike.

Olldashi shton se Basha është votuar për të sfiduar rrebeshin dhe jo për t’u mbuluar në çadër dhe e konsideron mungesë respekti arsyetimin se kjo bëhet në emër të së mirës për PD-në.

Kujtojmë se në vitin 2013, Sokol Olldashi dhe Lulzim Basha, ishin dy kandidatët kryesorë për kreun e PD-së pas dorëheqjes së Sali Berishës, garë nga e cila doli fitimtar i dyti.

STATUSI I OLLDASHIT

Nga pikepamja ime personale le te bejne cte duan. Nga ana tjeter duket sikur koncepti demokratik (Demokracia (gr. demo – popull, kraci – rend) është një formë qeverisje në të cilën shumica e njerëzve ushtrojnë sovranitetin e tyre ose drejtëpërdrejtë, nëpërmjet referendumeve, ose në mënyrë jo të drejtëpërdrejtë, nëpërmjet zgjedhjes së përfaqësuesve. ) eshte zevendesuar nga aksioni autokratik (Autokracia[1] është një sistem politik në të cilin një individ i vetëm e ka në dorë pushtetin,një personel i kualifikuar dhe me fuqi absolute. )

Nuk po gjykoj nese eshte me mire cadra apo shiu, por fakti qe dikush jo vetem qe nuk ju pyet cfare doni, por ne menyre arbitrare vendos per ju. Si e quani kete? Une e shoh si mungese respekti dhe konsiderate nese behet ne emer te se mires per PD. Dhe aspak burrerore nese fshihen frikera personale. Lufta fundja per burrat eshte. Pregatitu dhe perballu per ata qe te besuan voten per ta sfiduar rrebeshin e jo per tu mbuluar me cader.