Skuadra Italiane e Juventusit arriti të kualifikohej për në finale të Champions League. Torinezët mposhtën ekipin Francez të Monakos me rezultatin 2-1 në ndeshjen e kthimit, ndeshja e parë në Francë kishte përfundur 0-2 në favor të Italianëve.
Entuziasmi me sa duket ka mbërthyer ekipin dhe janë euforik edhe për finalen, ku me shumë mundësi do të përballen me kampionët në fuqi të Spanjës, Realin e Madridit. Mbrojtësi I krahut të djathtë të Juventusit Dani Alves menjëherë pas ndeshjes u shpreh mjaft optimist për skuadrën e tij duke thënë se do ta fitojnë dhe finale e kompeticionit.
“Jam shumë optimist për skuadrën, kemi arritur të shkojmë në finale dhe mendoj se është viti ynë ky, unë nuk shënoj shpesh por ky ishte një gol shumë i rëndësishëm pasi ndihmoi ekipin tim të shkoj në finale, do ta sjellim trofeun në shtëpi”, u shpreh Alves.
Dani Alves shënoi golin e dytë mbrëmë për Juventusin, duke i dhënë qetësi ekipit, goli ishte mjaft i bukur, një goditje fluturimthi nga jashtë zone. (B.H/SHUPLAKA)
