Ministri i Punëve të Brendshme, Fatmir Xhafa, ka komentuar sot nga qyteti i Shkodrës protestën masive të paralajmëruar nga opozita për t’u mbajtur më 13 maj, rolin e policisë këtë të shtunë dhe më 18 qershor.
“Është një çështje që mbetet për t’u parë sa i përket informacioneve për ndonjë problem të mundshëm”, është shprehur Xhafaj për 13 majin, ndërsa duke u ndalur tek 18 qershori i zgjedhjeve, ka thënë se Policia e Shtetit nuk do të përfshihet pasi procesi zgjedhor është i garantuar nga Kushtetuta. Megjithatë do të punohet nga ana e këtyre strukturave për të shmangur çdo problem:
“Policia nuk do përfshihet në zgjedhjet e 18 qershorit por do të siguroje procesin zgjedhor për të shmangur çdo problem. Zgjedhjet janë të garantuara sepse i garanton Kushtetuta. Policia bën detyrën që i jep ligji.”.
Xhafaj ka komentuar edhe rrokadën në strukturat policore si veprim që bën mirë pasi jep ritëm të ri, duke u ndalur më pas tek çështja e kanabisit dhe lufta kundër këtij fenomeni. Ai deklaroi se “një Lazart i dytë gjendet në Shkodër”:
“Lufta kundër kanabisit edhe në Shkodër është një prioritet sepse zona të caktuara janë Lazarati me kanabis…Kemi harruar se kemi një Lazarat në Shkodër. Me angazhimin e qeverisë ky fenomen do vijë drejt shuarjes. Për 2017 Shqipëria nuk do jetë në hartën e kanabis. Kjo luftë është një proces që vazhdon gjatë.”
(XH.A/SHUPLAKA)
Discussion about this post