Dalin të tjera detaje nga ngjarja e rëndë në Durrës ku një 23 vjeçare vrau veten me armën e shërbimit. Peranxhela Shahini në rrethana ende të paqarta i dha fund jetës në banesën e saj Katund Sukth. Ajo është gjetur e pajetë nga familjarët e saj, të cilët të shokuar lajmëruan policinë për ngjarjen.
23-vjeçarja kishte konkurruar në Shkollën e Policisë në vitin 2014, ndërsa kishte fituar nga testi 52 pikë dhe ishte renditur e 266 në listë. Kolegët e saj dhe familjarët pohuan se 23-vjeçarja nuk kishte shfaqur asnjë shqetësim dhe se nuk kishte asnjë problem. Nga ana tjetër ata u shprehën se Peranxhela ishte një tip i mbyllur, por shumë korrekte në punë.
Policia dhe prokurorë të rrethit ndodhen në vendin e ngjarjes, ndërsa po hetojnë në lidhje me shkaqet e krimit. Nga këqyra paraprake e vendit të ngjarjes, dyshohet se kemi të bëjmë me një vetëvrasje. Por fillimisht u raportua si aksidentale por rezultoi se e reja kishte vrarë veten. Sakaq, trupi është dërguar në morg, ku do t’i nënshtrohet dhe ekspertizës mjekoligjore. (S.Sh/Shuplaka)
Discussion about this post