Një reagim apak i zakontë është bërë nga Artan Shkreli, këshilltari i Ramës pak minuta më parë. Kujtojmë se Shkreli ështv edhe arkitekt në porfesion dhe bashkëshorti i deputetes socialiste Ledi Shamku.
Duke shkëputur një shënim nga ‘’Gazeta Tema’’ ai shkruan se Myftaraj duhet të mbyllet në çmendinë.
“Duke e çuar në psikiatri, çlirojnë dhe gazetarinë shqiptare nga nekrofilia dhe perversiteti i dikujt që është i fiksuar nga ideja, se çdo femër është një kurvë që duhet vrarë”, shkruan Shkreli.
Kujtojmë se arrestimi dhe më pas lirimi i Katrios Myftarajt ka nxitur reagime të shumta në media dhe jo vetëm. Më shumë akoma ka bërë bujë dhe një letër e shkrimtarit Ismail Kadare që i kërkonte falje publike ambasadores Vlahutin.
SHËNIMI NË GAZETËN ‘’TEMA’’:
Policia ka njoftuar zyrtarisht se ka ndaluar shteasin K.M. nën akuzën e kërcënimit të rendit kushtetues lidhur me thirrjet për vrasje ndaj ambasadores së Bashkimit Europian në Tiranë.
Këtu ka një adresim të gabuar ndaj personit në fjalë.
Policia, por dhe opinioni publik, duhet të bëjë disa diferenca mes atyre që u referohet si gazetarë dhe njerëzve me probleme mendore, që konsiderohen të tillë, pasi përshkruajnë veprimet të dhunshme që ëndërrojnë të ndodhin.
Gabimi është që K.M., është marr seriozisht si gazetar dhe po hetohet, dhe mund të dënohet për këtë gjë.
K.M., është një njeri që duhet trajtuar psiqikisht si njeri me deformime të forta mendore.
Ai duhet të ndalohet nga policia, si çdo i çmendur që gjendet rrugëve, dhe duhet të çohet në psikiatri, pasi thirrjet e tij për dhunë janë kronike, dhe fokusohen tek linçimi seksual i tij, ndaj çdo femre.
Kështu që, para se të merret seriozisht si publicist, ai duhet marrë seriozisht si pacient dhe duhet mbajtur i izoluar jo në qeli komisariatesh, por një klinikë psikiatrike.
Në komisariate duhen çuar ndoshta ata që ja njohin deviacionet psiqike dhe e paguajnë për të linçuar kryesisht femrat.
Natyrisht, më të këqinj se K.M., janë një tufë debilash delirantë, që kanë vënë kujën se është ndaluar dikush që ka fyer një ambasadore, duke bërë sikur nuk kanë parë që ka bërë thirrje për linçim seksual dhe fizik, deri në vrasje, për një grua.
Si i çmendur, ai është më korrekt se idhtarët e qytetarit digital që është konkurrenti i vetëm në treg i K.M.
Duke e çuar në psikiatri, çlirojnë dhe gazetarinë shqiptare nga nekrofilia dhe perversiteti i dikujt që është i fiksuar nga ideja, se çdo femër është një kurvë që duhet vrarë.
Është thjeshtë sëmundje fizike dhe nuk ka të bëjë me gazetarinë.
Duke u marrë seriozisht, e sëmurni më shumë dhe ja forconi delirin se është në të drejtën e tij, sidomos kur shikon se “qytetari digital” është i lirë.
Psikiatria është vendi i duhur. (E.K/SHUPLAKA)
