Finalja e Ligës së Europës me datë 24 qershor do të vendoset mes Ajaksit dhe Mançester Junajtid dhe kundër çdo parashikimi, kualifikimi nuk ka qenë aspak i thjeshte për të dy ekipet.
Holandezët kishin fituar 4-1 ndeshjen e parë dhe kaluan në avantazh me anë të Dolberg, duke lënë të mendohej se do të prisnin biletën për finalen shumë lehtësisht. Por dy gola të Lakazet dhe një i Gezal bënë që ndeshja të mbyllej me shumë drithërima, përfshirë edhe një karton të kuq të Virgiver. Gjithsesi, Ajaksi evitoi pësimin e një goli që do të çonte ndeshjen në shtesa, duke prerë biletën për finalen.
Atje i bashkohet Junajtid, që barazoi 1-1 në shtëpi me Selta Vigon, pasi kishte fituar 1-0 në transfetë. Edhe në këtë takim, “djajtë e kuq” realizuan të parët me Fellainin dhe dukeshin në kontroll të plotë të ndeshjes.
Goli Ronkalja pak minuta para fundit të ndeshjes hapi gjithçka, ashtu si edhe kartonët e kuq të Beilli për vendasit dhe Ronkalja për miqtë. Pas 7 minutash shtesë, skuadra e Murinjos arriti të priste biletën për finalen që do të zhvillohet në Solna më 24 maj.
Rezultatet
Olimpik Lion-Ajaks 3-1 (1-4)
45’, 45’+1’ (p) Lakazet, 81’ Gezal / 27’ Dolberg
Mançester Junajtid-Selta Vigo 1-1
17’ Fellaini / 85’ Ronkalja
