Albana Osmani, prezantuesja e ekranit shqiptar kohët e fundit ka marrë një nismë, që iu vjen në ndihmë fëmijëve.
“Luledielli” quhet nisma e re e Albana Osmanit e cila ka në qëllim mbledhjen e fondeve nga aktivitet e ndryshme nën logon e lulediellit, për qëllim ndihmesën e fëmijëve të prekur nga sëmundjet e gjakut, të cilët janë shtruar dhe trajtohen pranë shërbimit të onkohematologjisë pediatrike pranë QSUT. Ajo ka si qëllim blerjen e aparaturave që iu vjen spitaleve për shërimin e fëmijëve.
Ka pak muaj që ajo është shpallur edhe ambasdore nderi në saj të kësaj nisme shumë të veçantë, e cila dhuroi dritë më shumë për fëmijët në nevojë. Këtë dekoratë ajo e mori Debrah Ann Mace, ndërsa nuk ka munguar as mirënjohja nga vet kryeministri i Shqipërisë, Edi Rama. Albana ka folur gjerë e gjatë në një intervistë ekskluzive dhënë për Telegrafin. Ndër të tjera ajo ka theksuar se kryeministri Rama e ka pritur në zyrën e tij si rpinceshën Diana dhe për këtë ka shumë mirënjoje.
“Kryeministri që unë pëlqej dhe kam për zemër pasi është artist dhe tejet karizamatik, më ka pritur në zyre si të isha Princesha Diana, me shumë respekt dhe dashuri . Nuk isha Diana por Albana , njësoj në përshëndetjen e tij të përzemërt. Në sytë e tij kjo që po ndodhte me këtë fushatë ishte shumë e vyer. Në çdo vend të botës njerëz të njohur dhe me influencë në mënyre të vazhdueshme realizojnë iniciativa te tilla. Ndaj kjo e jona mori përshëndetjen më optimale nga kryeministri. Sigurisht realizuam dhe foto, dhe do ta ruaj kujtim si një nga momentet e veçanta për mua ! Librin i tij me grafikat dhe artin e tij, dhe me dedikimin aq special, e kam shfletuar disa herë dhe do e ruaj në bibliotekën time me shumë vlerësim.” tha Albana Osmani. (J.V/Shuplaka)
