PD po organizohet për protestën por ku do të jetë Rama sot?

Ndërsa PD po bëhet gati për protestën e sotme në bulevard, kreu i qeverisë, Edi Rama nuk e ka mendjen te protesta e opozitës.

Edhe sot ai e ka nisur ditën me një përshëndetje në Facebook  për gjithë shqiptarët duke postuar foto nga java e çeljes së sezonit turistik në Vlorë.

“MIRËMËNGJES, dhe ju uroj një fundjavë të mbarë me këtë kolazh fotosh nga java e çeljes së sezonit turistik në Vlorën që po rilind, më tërheqëse dhe më mikpritëse se asnjëherë”, shkruan Rama.

Duke u nisur nga këto foto ende nuk dihet me saktësi nëse do jetë në Vlorë, apo në zyrën e tij gjatë protestës së opozitës. Duke iu referuar  axhendës së sotme të kryeministrit, fokus sot është Bienialja e Venecias, ku Rama prezantohet si artist me koleksionin e tij të vizatimeve “të zyrës”. (J.V/Shuplaka)