Një aksident automobilistik i ka marrë jetën të paktën 23 personave sot në Turqi. Aksidenti i frikshëm ndodhi në rrugën rajonale Mugla-Antalia në Turqi, ku minibusi me dhjetëra persona humbi kontrollin dhe u përmbys duke përfunduar në anën tjetër të rrugës.
Mediat turke shkruajnë se 23 persona kanë humbur jetën dhe 11 të tjerë kanë mbetur të plagosur.
Të plagosurit u dërguan me urgjencë në spitalet në Marmaris dhe Mugla. “Hurriyet” shkruan se minibusi ishte nisur mëngjesin e sotëm nga Izmiri drejt Marmarisit dhe mbi të udhëtonin kryesisht gra dhe fëmijë.
Presidenti Recep Tayyip Erdogan ka reaguar lidhur me këtë ngjarje kaq të rëndë dhe ka shprehur ngushëllimet e tij për familjarët e viktimave.
“Besoj se institucionet tona me shpejtësi do të marrin masat e nevojshme për të parandaluar fatkeqësi të tilla.”, u shpreh Erdogan. (D.D/Shuplaka)
[ngg_images source=”galleries” container_ids=”1800″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post