Kryeministri Edi Rama nuk i ndal sulmet ndaj kryebashkiakes së Shkodrës Voltana Ademi. Nëpërmjet një postimi në Facebook, lidhur me fototekën Marubi nuk lë pa thumbuar edhe kryebashkiaken.
“AMARCORD
Më 1923, Marubi shkrepte foton zyrtare të prefektit të emëruar të Shkodrës, dekoruar me kryqin e oficerit të Urdhërit të Franc-Jozefit të Austro-Hungarisë dhe dekoratën e oficerit të Palmave akademike të Francës.
Ky prefekt ishte personaliteti i shquar, shërbyesi i shtetit dhe diplomati patriot, gjirokastriti Rauf Fico. Me këto premisa, me një zyrë të pajisur bukur në një godinë të spikatur ndërtuar nga francezë dhe austriakë, prefekti i ri, dëshmi se nga jugu në veri Shqipëria ishte e pandarë dhe një, ishte një angazhim i gjallë për ecjen e vendit kah Europës edhe pse në nivel lokal.
Sot, godina e prefekturës së dikurshme është selia e bashkisë së Shkodrës… Eh, Shkodër, ku ishe me zotin Rauf e ku je me zojën Voltane!”, shkruan Rama.
Gjatë vizitës së tij sot në Shkodër, ku u përplasën policët e rendit me ata bashkiakë, kryeministri Rama tha se Ademi e konsideron provokim sa herë ai shkon në këtë qytet. (D.D/Shuplaka)
Discussion about this post