Një shtetas grek është ndaluar paraditen e së dielës në Rinas për shkak se kishte tentuar të ikte nga Shqipëria duke marrë me vete një shumë të madhe parash.
Shtetasi me inicialet Ch.I, i moshës 50-vjeç dhe me banim në shtetin grek kishte fshehur në trup shumë të madhe eurosh të cilat mësohet se nuk i kishte deklaruar në doganë, raporton BW.
Zbulimi i parave të fshehura në trup bëhet me dije se u bë pas një kontrolli fizik që shtetasit iu bë në pikën dalëse të aeroportit të Rinasit.
Paratë e tij janë bllokuar në cilësinë e provës materiale ndërkohë që çështja i ka kaluar për hetime Prokurorisë së Tiranës.
Shtetasi grek mësohet të ketë refuzuar të japë detaje lidhur me origjinën e këtyre parave që po tentonte t’i çonte drejt Greqisë në mënyrë të jashtëligjshme. (M.D/Shuplaka)
Discussion about this post