9 të akuzuarit që sulmuan Kuvendin e Maqedonisë dalin të enjten para gjykatës

Të enjten e ardhshme në Gjykatën Penale të Maqedonisë do të gjykohen nëntë persona, të cilët janë të dyshuar për shkaktimin e dhunës në Kuvendin e Maqedonisë më 27 prill, raporton Telegraf.com

Ata janë proceduar me akuzën e  “pjesëmarrjes në turmë që do të kryejë vepër penale”, ndërsa ka pasur reagime nga ekspertët dhe politikanë të ndryshëm që ata të akuzohen për veprën “tentim për vrasje”.

Sot disa deputetë të LSDM-së dëshmuan në Prokurorinë Publike për ngjarjet në Kuvend më 27 prill, të cilët theksuan se çdo gjë është e dëshmuar dhe e dokumentuar. (M.D/Shuplaka)