Deri më tani kryeministri Edi Rama nuk ka thënë asgjë për vdekjen e 16-vjeçares Blerta Pepa në spitalin privat “Continental”, por vazhdon të postojë në Facebook për inaugurimin e punëve të reja që janë bërë.
Vetëm pak orë më parë publikoi foto nga spitali rajonal i Shkodrës ku për herë të parë ishte bërë i mundur shërbimi i Hemodinamikës, Hemodializës, Kimioterapisë, Protezimit ortopedik dhe Rezonancës magnetike.
Ndërsa tani prezanton pedonalen e re sërish në qytetin e Shkodrës, e cila sipas tij është e shtrirë në 2500 m2.
“Me Pedonalen e re të shtrirë në 2500 metra katror dhe me rindërtimin e infrastrukturës pas çlirimit nga kioskat, ndërtimet e zaptimet e paligjshme, Razma me bukuritë e saj fantastike natyrore është shndërruar në një pikë gravitacionale e turizmit malor në Shkodër.
Rilindja Urbane në këtë qendër turistike të Alpeve Shqiptare ka krijuar një potencial të ri edhe për zhvillimin e mëtejshëm të ekonomisë lokale duke krijuar kushte më të favorshme për rritjen e numrit të vizitorëve dhe të investimeve private.
Shumë është bërë por edhe shumë më shumë mbetet ende për të bërë”, shkruan kryeministri.
Mirëpo dhjetëra komentues kanë reaguar pas publikimeve të kryeministrit për rilindjen e shëndetësisë apo “Shëndetësisë që duam”. Të gjithë janë në pritje të një reagimi nga kryeministri për vdekjen e Blertës në spital.
Qytetarë të shumtë e pyesin Ramën për vajzës që sot ndërroi jetë: “Je prind vetë”, “S’i s’jep kush llogari për këto spitalet private?”, “Përse prindërit detyrohen ta çojnë vajzën në spital privat?”, janë disa prej pyetjeve që komentuesit ngrenë, e para së cilave Rama vazhdon të heshtë. (D.D/Shuplaka)
[ngg_images source=”galleries” container_ids=”1820″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post