Kishte fshehur drogë dhe municione luftarake në bodrum, arrestohet 22-vjeçari në Memaliaj

Një i ri 22-vjeçar nga Memaliaj është arrestuar pasi i janë sekuestruar municione luftarake dhe lëndë narkotike.

Klejdi Mina kishte fshehur në një bodrum fishekë, lëndë plasëse dhe kanabis.

Njoftimi:

Memaliaj. Sekuestrohen municione luftarake dhe lëndë narkotike. Arrestohet në flagrancë poseduesi i tyre.

Nga Specialistët për Hetimin e Narkotikëve në Drejtorinë Vendore të Policisë Gjirokastër, në bazë të informacioneve të marra në rrugë operative u bë arrestimi në flagrancë i shtetasit: Klejdi Mina, 22 vjeç, banues në Memaliaj. Arrestimi i këtij shtetasi u bë pasi: Në një bodrum që ky shtetas administronte u gjetën dhe u sekuestruan 4 krëhëra, 108 fishek të kalibrit 7.62 mm, një kuti me 7 kapsolla detonatore, 7 metra fitil zjarrpërcjellës, si dhe një sasi prej rreth 2 kg lëndë e dyshuar narkotike si ajo e llojit Cannabis Sativa.

Materialet në ngarkim të këtij shtetasi i kaluan Prokurorisë Pranë Gjykatës së Shkallës së Parë Gjirokaster, për hetim të mëtejshëm për veprat penale “Prodhim dhe shitje të narkotikëve” dhe “Prodhimi dhe mbajtja pa leje e armëve luftarake dhe municioneve”, të parashikuar nga nenet 283/1 dhe 278/2 dhe 3 të Kodit Penal.

(M.D/Shuplaka)

[ngg_images source=”galleries” container_ids=”1825″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]