Dy persona janë qëlluar me armë zjarri teksa ishin duke pirë kafenë e mëngjesit në një lokal në Krujë. Mësohet se ngjarja ka ndodhur rreth orës 06:00 të mëngjesit të sotëm.
Autori i ngjarjes bëhet me dije se ështe daja i njerit prej të plagosurve. Ata kanë qenë në lokal bashkë me shokun e nipit kur ai i ka qëlluar. Në një sherr çasti ata janë konfliktuar, daja ka nxjerrë armën dhe i ka plagosur, shkruan Panorama.
Nuk dihet ende se për çfarë janë konfliktuar mes tyre, por dëshmitarë tregojnë se autori ka nxjerrë armën dhe ka qëlluar në drejtim të tyre duke i lënë të plagosur.
Paraprakisht thuhet se të plagosurit jane Ramazan Shullazi dhe Genc Goga. Pas ngjarjes ata janë transportuar me urgjencë në spital dhe po marrin ndihmën mjekësore.
Mësohet se policia ka mbërritur në vendin e ngjarjes dhe ka nisur hetimet. (M.D/Shuplaka)
Discussion about this post