25 qershor. Kjo është data që po qarkullon në media, megjithse ende nuk është konfirmuar plotësisht. Sipas burimeve pranë socialistëve, ky është varianti që ka pranuar kryeministri Edi Rama, me 1 javë diferencë nga 18 qershori, ndërsa demokratët ende nuk janë shprehur.
Ndërkohë që paketa McAllister Plus, të cilën kryedemokrati Lulzim Basha deklaroi se kishte pranuar së bashku me kryeministrin Edi Rama, përcaktonte si datë të mbajtjes së zgjedhjeve 16 korrikun.
”Shtyrja e zgjedhjeve deri më 16 korrik”, thuhet në pikën 14 të paketës.
Sot Basha dhe Rama dolën pas 5 orë bisedimesh nga Pallati i Kongreseve, të ndarë dhe nuk bënë komente për medien, me përjashtim të frazës së thënë nga Basha se ”Shumë shpejt do bëhet publike”.(V.G/SHUPLAKA)
