Basha në çadër pas marrëveshje: Beteja nuk mbaron këtu, kjo ishte vetëm nxemja!

Pasi finalizoi një marrëveshje me kryeministrin Edi Rama, kreu i opozitës Lulzim Basha, në çadrën e opozitës ka paralajmëruar se beteja e tij nuk mbaron këtu, duke u shprehur se deri më tani ka qenë duke bërë nxemjen. Beteja thotë ai, fillon pas një jave.

“Me garanci, të cilat duhet të zbatohen nga fillimi deri në fund, por beteja jonë për zgjedhje të lira dhe të ndershme nuk përfundon këtu.

Kjo është vetëm nxemja, ndeshja fillon pas një jave dhe ne marshojmë drejt fitores. Bashkë në betejën tonë, për zgjedhje të lira dhe të ndërshme, ne do të vazhdojmë deri në fund projektin tonë të madh, të Republikës së Re.

Sot Republika e Re nuk është thjesht dhe vetëm objektivi ynë, shpallja e pakthyeshme por realiteti që ka ardhur përmes qëndresës dhe vullnetit tonë.

Sot përmes dialogut politik, që u detyrua dhe u bë realitet vetëm falë imponimit dhe qëndresës së bashkimit tuaj. Republika e vjetër ka pranuar rrugën institucionale të asgjësimit të saj për t’i hapur vend ëndrrës suaj.

Kjo është domethënia për Reformën Kushtetuese, jo letër e bardhë por flamuri i bardhë i republikës së vjetër para vendosmërisë sonë. Që kurrë më politika të mos jetë më teatër kukullash për qytetarët.

Reforma kushettuese është vetëm shtrati kushtetues që ju premtova ditën e shtunë.

Është ndërtuar sëbashku, nëj shtet dhe një shoqëri, ku pushteti, të ardhurat dhe fati juaj të jenë një herë e përgjithmonë në dorën tuaj.

E dinë të gjithë, e dini ju, e di unë, e dinë ata, e di bota mbarë se ky shesh dhe kjo lëvizje është e reja që do zëvendësojë njëherë e përgjithmonë të vjetrën.

Asnjë kompromis nuk do të ketë me të keqen që kap vendin për fyti, por përballje për Shqipërinëë të çliruar nga krimi, korrupsioni, një Shqipëri ku fermerët shqiptarë nuk do të kenë zgjedhje mes largimit, falimentimit dhe hashashit, por mbështetje dhe fonde përmes subvencioneve.

Bashkë ta dhe me pensionistët, do të shembim me themel kështjellën e mykur të Republikës, dhe do u japim paratë e republikës së vjetër që vazhdojnë të zhduken në xhepat e oligarkëve.” Deklaroi Basha. (D.D/Shuplaka)

Lulzim basha