Pas arritjes së marrëveshjes edhe çadra e opozitës është çmontuar nga bulevardi, ku qëndroi për 90 ditë me rradhë. Por nga ana e kryeministrit Rama nuk kanë munguar as batutat dhe ironia për çmontimin e kësaj çadre.
Në postimin e tij të përditshëm Rama ka postuar një foto ku shfaqet një çadër dhe në të shkruhet: Jepet çadër me qera, për evente, dasma e protesta. Tre muaj e përdorur, në gjendje të mirë teknike.. full options dhe biles me pamje nga kryeministria.
Një ironi dhe batutë kjo për demokratët, madje Rama e quan edhe kartolinë ekskluzive. “MIRËMËNGJES dhe me këtë kartolinë ekskluzive ju uroj gjithë qytetarëve e vizitorëve të Tiranës sot, hapjen e bulevardit ku rikthehet jeta normale. Tanimë është hapur edhe rruga e Vetingut për të cilin luftuam aq fort së bashku dhe duke uruar një ditë të mbarë për të gjithë, ju siguroj se siç luftuam e fituam për Vetingun, do të luftojmë e fitojmë për rritjen e mëtejshme të ekonomisë e punësimit. Për #ShqipërinëQëDuamme #Shtet #Punë #Mirëqenie”, shkruan Edi Rama. (J.V/Shuplaka)
